නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
අඩි 338 ක් උසැති අඩි 370 ක් විශ්කම්භය ඇති මේ මහා චෛත්‍යයේ හුණු පිළියම් කිරීම අතිශයින්ම දුෂ්කර කර්තව්‍යයකි. ඒ සඳහා අළුහුණු ටොන10ක්, ලුණු මිටි 25ක්, නිල් මිටි 01ක්, සීනි මිටි තුනක්, සහ කැද සෑදීමට කැකුළු සහල් මිටි එකක් භාවිතා කෙරේ.
උණගස් 700ක්, ලණු හොන්ඩර හයක් සහ නැව් කඹයක් ද ඊට අවශ්‍ය වේ. හුණු තවරන බුරුසු ලණු වලින් සකසා ගනු ලැබේ. සද්ධාතිස්ස රජතුමා විසින් අරඹා වර්තමානයේ දී ද වාර්ෂිකව සිදුකෙරෙන මෙම හුණු පිළියම් කිරීමේ කාර්යය ආරම්භ කරනු ලබන්නේ චාරිත්‍රානුකූලව මහා බෝධීන් වහන්සේට සහ ස්වර්ණමාලි මහා චෛත්‍යයට භාරවීමෙනි.
ස්වර්ණමාලි මහා චෛත්‍යයේ මේ සියලු කටයුතු සිදුකරනුයේ
විහාරාධිකාරී නා හිමියන්ගේ ප්‍රධානත්වයෙනි.
අනුරාධපුර අටමස්ථානාධිපති නාහිමියෝ මේ සියලු කටයුතු සඳහා උන් වහන්සේට අවවාද අනුශාසනා කරති.
තෙරුවන් සරණයි...!
ධර්ම දානය පිණිස බෙදා හැර අප්‍රමාණ පින් රැස්කරගන්න.
දාන පාරමිතා
